Growth Hackerمين هو الـ

الـ Growth Hacker مش بديل للماركتير – او حد أحسن من الماركتير أو مهاراته أكثر ..
وهنا في تعريف كان قاله عمنا شون
“A growth hacker is a person whose true north is growth.”
مش عارف اجبهالكوا ازاى بس بعد ما تقرا المقالة دى مش هتعرف برضه يعني ايه Growth hacker
بس هتكون عرفت ازاى المفهوم اتطور لحد ما وصلنا دلوقتى – وده هيفيدك طبعا أنك بعد كده لما تلاقى اختلاف من اللي هتعرفه مننا ومن أي مكان تاني متهنجش بالعكس انت هتبقى متوقع ده ..
بعد ما قلنا أن Sean Ellis لأول مرة في التاريخ يستعمل الكلمة دى ويطلب حد يشتغل growth hacker سنة 2010
جه واحد اسمه Andrew chen وقال حاجتين مهمين بدأ يبان منها يعني ايه Growth hacking
( وده اللي قدر يحقق الـ Growth لـ UBER )
اول حاجة وكانت في شهر أبريل 2012 أن الـ Growth Hacker عبارة عن واحد ميكس ما بين انه Marketer و Coder
ومن هنا بدأنا نعرف يعني عشان اكون Growth hacker ايه اللي محتاج اعمله ..
وتانى حاجة كانت في سبتمبر من نفس السنة قالك أن أي startup مش محتاج في الأول Growth Hacker ده محتاجه قبلها حاجة مهمة اووى وهي Product market Fit
وهنا كان يقصد أن الـ startup يكون عندها منتج السوق فعلا محتاجه ويكون بدأ يعمل Engagement و Retention ولو بارقام صغيرة الأول ..
في نفس الفترة يعني في سبتمبر 2012
وكل ده لسه الناس عايزة تفهم يعني ايه Growth Hacker – جه واحد تاني Aaron Ginn ( وده اللي كان حقق الـ Growth لـ Everlane )
وكتب مقاله بيقول فيها Defined Growth Hacker
وقال انه لازم يكون فيه التلات صفات دول ..
A Love for Data :
عنده حب غير طبيعى للـ Tracking – Metrics ومن غير الداتا و الارقام ميشتغلش
Creative :
مبدع في حل ومواجهة المشاكل ويقدر يبتكر أفكار جديدة عشان يقدر يا Acquire مستخدمين جداد .. ومش بس يعتمد على الداتا في النقطة اللي فاتت – لا كمان يجرب أي حاجة جديدة عشان توصله للـ growth
Curiosity :
عنده كمان سحر في فهم ليه الزوار بيبقوا مستخدمين و ليه منتجات بتفشل فشل زريع – وبقى جزء من عاداته اليومية انه يشوف طرق جديدة ويعرف ازاى يوصل للـ growth
بعد كده بدأ يكون في أكثر من مدرسة بتشرح يعني ايه الـ growth hacking وفي فروقات طبعا ما بينهم

المرة اللي جاية برضه مش هنقول مين هو الـ Growth hacker – بس هتبقى مهمه اووى لانك هتعرف إذا كنت ينفع تكون Growth hacker وتكمل معانا ولا لا ..