Growth Hackingايه هو الـ

عشان نفهم أي حاجة في الأول لازم نفهم تاريخها كويس ..

وهنا المفهوم ده يعتبر لسه جديد بس الكلمة بقت trendy وبقي ناس كتيير بتدى لنفسها الـ Title ده Growth Hacker – Growth Supporter

فأحنا الأول هنعرف تاريخها سريعا و نفهم معنى الكلمة نفسها بعد كده مفهومها في المجال أو السوق .

الموضوع بدأ عند واحد يقال عنه انه ابو الـ growth hacking  وهو ” Sean Ellis ” ” شون الياس ”  ويستحق اللقب طبعا ..

مين بقى عمنا Sean Ellis ده ؟!

نقدر نقول انه Entrepreneur او Startup Advisor – وكان أول ماركتير في dropbox – lookout ( شركة أمريكية mobile security ) .

وكان Advisor لـ Kissmetrics كل الماركتيرز طبعا عارفينها – ده غير انه mentor لاكتر من 500 Startups

بس مش ده سبب تسميته بابو الـ Growth hacking – الكلمة ظهرت بالظبط في 26 يوليو 2010

الحقيقة انه كان في الـ silicon Valley لما أي Startup بتحتاج تكبر الـ user base بتاعتها بقوا خلاص عارفين بيروحوا لمين

وكان بيجى عمنا sean ellis بقدرة قادر يحول الـ startup ويعملوا الـ Growth اللي بنكلم عليه في وقت قليل جدا .. كان بيظبط ال processes, Mindsets, Setting up systems

لفترة طبعا وبعد كده يسلم لحد تاني في الفريق ومن هنا بدأت تظهر المشكلة ..

اللي بيجى عشان يمسك مكانه – بيكون ماركتير عنده خبرة وشهادات — بس دايما في حاجة ناقصة لأن الاستراتيجى والتكنيك اللي طبقه في الشركة بعيد عن الاستراتيجيات اللي فاهمها أو بينفذها الماركتيرز ..

وده مش لأن الماركتيرز أو Digital marketing managers  مستواهم أو مهاراتهم ضعيفة – بالعكس والعكس دة هو السبب أصلا

دة عنده مهارات قيمه جدا وفاهم كمان في أكثر من module بس المشكلة أن الـ Startup في البداية مش بتحتاج للماركتير اللي يقدر يبنى و يدير marketing team أو حتى يكون شاطر و يكمل الـ  sales funnel أو كمان يحط الخطة الاستراتيجية عشان يحقق أهداف الشركة !!!

مع أن ده الكلام اللي أفضل الماركتير بيقولوا كل يوم بس هى دى اساس المشكلة أصلا هم محتاجين يفكروا في حاجة واحدة بس GROWTH

عشان كده Sean لما طلب ماركتيرز جاله أفضل ماركتيرز فعلا .. فقرر يغير المسمى لـ Growth Hacker